حبايبى الحلوين الكبار طبعا والصغيرين طبعا كنت عاوز اسأل صايمين ولا زى كل سنه اتمنى تكونوا صايمين زى كل سنه وتشرفونى بزياره البتاعه اللى انا بعملها دى انا ياجماعه زعلان جدا هتقولوا ليه ؟؟؟؟؟؟؟؟ لكن انا هجاوبكم علشان دماغكم متروحش وتيجى وتقولوا البت سابته وكلام فارغ من ده لا ياجماعه انا زعلان على حالنا حالنا اللى بقى يصعب على الكافر انا طبعا بقول كده من الحاله الاقتصاديه السوده اللى احنا بنعيش فيها وياجمال الايام رمضان جاى هو والمدارس فى اسبوع واحد وكان اسبوع مطين بطينه على الاسر "محدودة الدخل" زى ما بيسميهم سعاده الاستاذ الدكتور المبجل احمد نظيف رئيس القطاع انا اسف ريس الوزراء والحل يكمن فى حاجه واحده اننا بجد نحاول نقرب من ربنا ياجماعه احنا لو مش خفنا من ربنا هيحصل لينا اكتر من كده ...........دعوه من اخوكم اننا نرجع تانى للدين مش عاوزين اكتر من اننا نطيع ربنا نصلى ونصوم وندعى مش اكتر احنا ولا بنطلب قلب نظام الحكم ولا دياولو خلى النظام بس احنا عاوزين نصلحه النظام بتاعنا فيه خير لكن عاوزين نطلعه !!
معــــا من اجل التنميه
بكى بورد
أ/عبـــــــداللــه عـــــــــــــادل
ليست هناك تعليقات:
إرسال تعليق